MTB giro della Vallarsa (via Campogrosso) del 03/10/2006
Le previsiom del temp le e' propri brute, ma se sem fortunai (e el sem) riusim a anticipar la perturbaziom: po' mal che la vaga testem anca el completo antipioggia. Spazio en te le sacche della bici ghe n'avem propri tant e po', vist che dovem testar anca quele n'erem bem proposti de cargarle bem. El Matteo el g'ha caccia' zo tutt quel che serve per nar en spediziom (ghe manca sol la picca e i ramponi), mi pu' che altro ho fat volume: con do coerte, en salvagente e n'amplificator (?!?!?!!!) la me bici la era ben pu' lizera (ma comunque i 15Kg de bagaglio i gh'evo anca mi...). Partim cosi' da me ca' alle 9 e en quart e nem subit a zercar sterrato: Doss, Lombardi, Sich e subit dopo i struzzi del Bepi Velem tolem a sinistra: la corona piccola che ho sempre pensa' inutile ancoi se la apprezza! E tra qualche impennada (besogn star bassi co la schena che el peso de drio el te leva da terra) e sgomada sul sterra' en te na mezora sem su per Albaredo. Arivai a Matilori fem la prova del nove: ne lanciem zo a sinistra per la strada de prova (l'e' en tof!) e en te n'atimo sem ai Staineri. Propri a traversar el paess bei lanciai ho riscia' en paccon da foc con en falegname che l'era drio a parar for da na casa en traf de leign de 6 metri (el m'e' ariva' a 5schei!). Ritaca' la salita vers Obra, ne fermem n'atimo a endrizzar i me borsoni (zo per la strada de prova g'ha zedu' el gancett de fer che el lo tegn sul portapacchi: me sa tant che me i fao cambiar), quei del Matteo enveze no i s'e' spostai de en scheo. Dopo na pausa ciopeta ala COOP de Obra continuem per Ometto e per sterrato sotto le piccole Dolomiti. No l'e' ancor mezdi' che arivem al passo de Campogrosso, ne trem su na maia suta con en spolverim e ne fiondem zo per el versante vicentim sul pian dele Fugaze. El temp el minaccia propri, ma de piover nol vol propri saerghem e cosi' l'e' doverosa na tappa per en bianchett al bar dele miss de Parrocchia (peca' che ancoi gh'era sol la mama...le fiole le sara' stae scondue en cosina...). En ten dese minuti risaltem sule bici e via vers Anghebeni, Valmorbia, Spim, Roveredo. Prima de tornar en su ne aprofitem per far en salt dal Max e la Monica per en cafe' e farghe veder come che avem carga' le bici, quindi con calma tornem su vers le Porte (65 Km totali) che, anca se l'e' ormai le 3 e meza, gh'e' su me mama che ne speta co la taola pareciada per disnar... a dirla tuta la fem spetar anca en po' de pu', vist che, arivai, tolem subit per man le bici e ghe dem na lavada veloce (finalmente! La mia l'e' la prima volta che la lavo da quando l'ho tolta! Som propri en zinghem) dale boaze che avem bina' a um for per el sterra'.
| Subit testem la discesa, zo per la strada de "prova" che va da Matilori ai Staineri... | |
|
po' se risale vers Obra... | ...e se passa sotto le piccole Dolomiti per sterrato (e pensar che qi doveva pasar la valdastico original!)... | |
|
quindi se torna su asfalto... | ...e se ariva al passo de Campogross (confin de Regiom). | |
|
Dopo la tappa bianchet en Parrocchia, riciapem per l'altro versante e... | ...ancor do pedalae e podem molarla fin Roveredo. | |
